امریکايي – کاناډايي جوړه له ۵ کاله یرمته توب وروسته خوشي شوه

کوکچه پرس61 نمایش هاآخرین بروزرسانی:پنج شنبه ۲۰ میزان ۱۳۹۶ - ۶:۴۵ بعد از ظهر
امریکايي – کاناډايي جوړه له ۵ کاله یرمته توب وروسته خوشي شوه

امریکايي – کاناډايي جوړه له ۵ کاله یرمته توب وروسته خوشي شوه

تاند- پاکستاني او امریکايي چارواکو نن /پنجشنبه/ تایید کړه چې یوه امریکايي – کاناډايي جوړه او ۳ ماشومان یې له ۵ کاله برمته توب وروسته خوشي شوي دي.

امریکايي چارواکو وویل چې امریکايي ښځه کتلان کولمن او کاناډايي خاوند یې جوشوا بویل، چې افغانستان ته د سفر په ترڅ کې پاکستان مېشتې حقاني شبکې تښتولي ول، د پاکستان له لوري وژغورل شول.

مېرمن کولمن د برمته کېدو په مهال اومیندواره وه. دوی د یرغملتوب په ۵ کلنه موده کې د درو ماشومانو خاوندان شول.

امریکايي چارواکي وايي چې د دې جوړې ماشومان هم خوشي شوي دي.

د امریکا د ملي امنیت یوه چارواکي د نوم د نه ښودلو په شرط ویلي چې دا کسان د پاکستان په خاوره کې ساتل کېدل او د پاکستاتي ځواکونو د عملیاتو په نتیجه کې خوشي کړای شوي دي.

ده په دې برخه کې د پاکستان اقدام د همکارۍ لور ته یو سم ګام بللی دی.

امریکا له کلونو راهیسې پاکستان د حقاني شبکې پر ساتنې او ملاتړ تورنوي او که څه هم اوس امریکايي چارواکي د دې جوړې په خلاصون کې د پاکستان همکاري ستايي خو دا یو بل ثبوت دی چې د حقاني شبکه په پاکستان کې دېره ده.

له بلې خوا د پاکستان پوځ وايي، استخباراتي ادارو د افغانستان پولې ته نژدې په قبایلي سیمه کې د یرغملو څرک ولګاوه او پرون /چهارشنبه/ یې پرې عملیات وکړل.

امریکايي – کاناډايي جوړه له ۵ کاله یرمته توب وروسته خوشي شوه

۱۳۹۶-۰۷-۲۰
کوکچه پرس