شیرخان بندر به روی افغانستان بسته شد

مسؤولان محلی در ولایت قندوز از مسدود شدن مرز در منطقه شیرخان بندر به روی تاجران و مردم افغانستان‌ توسط دولت تاجیکستان خبر می‌ دهند و می‌ افزایند که این اقدام، چهار روز قبل از سوی آن کشور روی دست گرفته ‌است.

89 نمایش هاکوکچه پرسآخرین بروزرسانی:پنج شنبه ۳۰ قوس ۱۳۹۶ - ۱۲:۵۰ قبل از ظهر
شیرخان بندر به روی افغانستان بسته شد

رئیس اتحادیه تاجران ولایت قندوز در صحبت با رسانه‌ ها گفته ‌است که این اقدام دولت تاجیکستان، تاجران کشور را از چند روز بدینسو، با مشکلات فراوانی روبرو کرده ‌است. سید مجتبی هاشمی، رییس اتحادیه تاجران در ولایت قندوز می‌گوید که دولت تاجیکستان علاوه بر تاجران برای افغان‌های که گذرنامه‌های سیاسی ندارند، نیز اجازه ورود را به آن کشور نمی‌دهد. وی می‌گوید که تا هنوز هیچ یک از یک مقام‌های دولتی افغانستان و تاجیکستان، در مورد مشکلات تاجران کشور اقدام نکرده و دلیل این کارشان نیز روشن نمی‌‌باشد. شیرخان بندر یکی از بزرگ ‌ترین بندرهای صادراتی و وارداتی افغانستان‌ است که اموال تجاری، تاجران افغان از این بندر به کشورهای آسیا میانه، صادر می‌گردند. در عین حال، نعمت‌الله تیموری، سخن‌گوی والی قندز در این مشکل پیش ‌آمده‌ می ‌گوید که دولت تاجیکستان به دلیل آماده ‌گی برای جشن سال نو میلادی، مرز شیرخان بندر را مسدود کرده‌ است. گفتنی‌ست که این برای اولین بار در جریان یک سال اخیر است، که تاجیکستان مرز شیرخان بندر را به روی افغان ‌ها می ‌بندد.

۱۳۹۶-۰۹-۳۰
کوکچه پرس