مشاور فرهنگی رئیس‌جمهور از استاد عبدالرشید عیادت نمود

کوکچه پرس65 نمایش هاآخرین بروزرسانی:یکشنبه ۱۹ جدی ۱۳۹۵ - ۱۱:۳۹ قبل از ظهر
مشاور فرهنگی رئیس‌جمهور از استاد عبدالرشید عیادت نمود

استاد عبدالرشید لوگری مشهور به ماشینی از ستاره‌های موسیقی محلی کشور نسبت بیماری که عاید حالش است، در شفاخانه وزیر محمد اکبر خان بستری می‌باشد.

مشاور فرهنگی رئیس‌جمهور محمد اشرف غنی ضمن عیادت استاد عبدالرشید مساعدت نقدی ریاست‌جمهوری را نیز به وی اهدا نمود.

آقای غضنفر حین عیادت از استاد عبدالرشید خدمات وی به فرهنگ و هنر افغانستان را ستودنی عنوان کرد.

در مقابل، استاد عبدالرشید از توجه مقام عالی ریاست جمهوری به هنرمندان سپاسگزاری نمود.

اسدالله غضنفر مشاور فرهنگی رئیس جمهوری اسلامی افغانستان و نجیب‌الله منلی سرپرست ریاست فرهنگی دفتر شورای امنیت ملی از استاد عبدالرشید در شفاخانه وزیر محمد اکبر خان عیادت نمودند.

۱۳۹۵-۱۰-۱۹
کوکچه پرس