یکی از پزشکان گفته است که او و همکارانش از شش ماه بدین‌سو معاش نگرفته‌اند.
به گفته این پزشک، آنان پولی برای خرید مواد غذایی ندارند، اما مسوولان وزارت صحت عامه هیچ توجهی به آنان نکرده‌اند.
پزشکان معترض می‌گویند، در حالی که بارها برای پرداخت معاش‌شان به مسوولان صحت عامه مراجعه کرده‌اند، این مسوولان تنها وعده می‌دهند و در عمل کاری نمی‌کنند.
پزشکان و کارمندان شفاخانه دولتی تخار هشدار می‌دهند، اگر به خواست‌های آنان رسیده‌گی نشود، دست از کار خواهند کشید.
این در حالی است که روز یک‌شنبه، ۲۶ جدی، آموزگاران دو ولسوالی تخار نیز به دلیل پرداخت‌نشدن معاش‌شان دست به اعتراض زدند.
انتهای پیام
