منابع محلی در فاریاب امروز چهارشنبه، ۳۰ سنبله، می‌گویند که طالبان به‌جای شماری از کارمندان برکنار شده افراد خودشان را استخدام کرده‌اند.
به گفته منابع، کارشناس اقتصادی، کارشناس فرهنگی، مدیر مطبوعات، آمر مالی و اداری، آمر تدارکات، مدیر اجراییه ریاست سکتوری، مدیر تخصیصات و حواله جات، مدیر ارزیابی، مدیر اجراییه ریاست دفتر، مدیر خریداری، مدیر اداری، مدیر آرشیف، ۴ تن از کارمندان زن و شماری از اجیران و راننده‌گان کسانی‌اند که از سوی طالبان برکنار شده‌اند.
طالبان علت برکناری این تعداد از کارمندان دولتی را ناکام ماندن آنان در ارزیابی‌های کاری سالانه خوانده‌اند.
طالبان پیش از این ۳۰ تن از کارمندان زن در اداره‌های محلی ولایت جوزجان را نیز به‌گونه گروهی برکنار کرده بودند.
