اقتصادجامعهخبر و گزارشدیپلماسی

وزارت مالیه معاش ۳ ماهه کارمندان دولتی را یکجا می‌پردازد

مقام‌های «امارت اسلامی» می‌گویند که وزارت مالیه پرداخت معاش ماه‌های سنبله، میزان و عقرب کارمندان ادارات دولتی را از امروز آغاز می‌کند.

انعام‌الله سمنگانی؛ معاون سخنگوی طالبان، امروز (شنبه، ۲۹ عقرب) این موضوع را به نقل از وزارت مالیه در توییترش نوشته‌است.

او افزوده که وزارت مالیه، معاش سه ماهه کارمندان دولتی را به صورت یکجا پرداخت می‌کند.

پس از سقوط افغانستان به دست طالبان ماه‌ها است که کارمندان دولتی معاش دریافت نکرده‌اند.

اگرچه برخی نهادهای بین‌المللی از جمله سازمان جهانی صحت و یونیسف، معاش شماری از کارمندان صحی و معارف را پرداخت کرده‌اند؛ اما سایر کارمندان معاشی دریافت نکرده‌اند.

سازمان ملل و برخی نهادهای مددرسان همچنین از وقوع بحران بشری در افغانستان به دلیل رسیدن زمستان و وضعیت بد اقتصادی هشدار داده‌اند.

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

دکمه بازگشت به بالا