جهانخبر و گزارشدیپلماسی

وزیر خارجه تاجیکستان: موضع ما در قبال طالبان تغییر کرده است

سراج‌الدین مهر‌الدین؛ وزیر خارجه تاجیکستان با تأکید بر تشکیل دولت فراگیر در افغانستان، گفته است که موضع دوشنبه در قبال طالبان تغییر نکرده است.

تاجیکستان تنها کشور در آسیای میانه است که آشکارا با ساختار فعلی دولت طالبان مخالفت کرده است و هیچ ارتباطی با کابل هم ندارد. دوشنبه بر تشکیل دولت فراگیر با مشارکت اقوام افغانستان از جمله تاجیک‌ها تأکید دارد.

وزیر خارجه تاجیکستان روز چهارشنبه (۱۲ دلو) در یک نشست خبری نیز گفته است که خواست جامعه جهانی از طالبان تشکیل «دولت واقعآ فراگیر» است.

او ابراز امیدواری کرده است که طالبان عملا آمادگی خود را برای مذاکرات با رهبران همه گروه‌های سیاسی و قومی به نمایش بگذارد.

وزیر خارجه تاجیکستان در رابطه با تامین امنیت مرز این کشور با افغانستان هم گفته است که کشورش برای تحکیم مرزهای جنوبی خود تدابیر ضروری را در نظر خواهد گرفته است.

پیش‌تر، امامعلی رحمان؛ رییس جمهوری تاجیکستان در نشست مجازی کشورهای عضو «سازمان پیمان امنیت جمعی» پیشنهاد کرده بود که «یک کمربند امنیتی در اطراف افغانستان» ایجاد شود.

پس از روی‌کارآمدن طالبان اقدامات نظامی تاجیکستان در مرز افغانستان افزایش یافته است.

این کشور ۲۰ هزار نیروی اضافی به مرز خود با افغانستان اعزام کرده است.

دوشنبه همچنین با متحدان خود مانورهای نظامی نیز در مرزهای شمال افغانستان انجام داده‌اند.

دیدگاهتان را بنویسید

نشانی ایمیل شما منتشر نخواهد شد.

نوشته های مشابه

دکمه بازگشت به بالا