ابراهیم رییسی، رییس جمهور ایران و امامعلی رحمان، رییس جمهور تاجیکستان در حایشه‌ی هفتاد‌وهشتمین نشست عمومی سازمان ملل متحد از «حضور وفعالیت تروریستان» در افغانستان ابراز نگرانی کرده‌اند.
بر اساس خبرنامه‌ای ریاست جمهوری ایران این دیدار‌ها روزسه‌شنبه، بیست‌وهشتم سنبله در مقر سازمان ملل متحد در نیویارک صورت گرفته است.
در خبرنامه‌ای این ریاست آمده است که روسای جمهور ایران و تاجیکستان در این دیدار «برضرورت برگزاری جلسات مشترک وزاری خارجه کشور‌های همسایه برای افزایش هماهنگی در مبارزه با تروریسم و ایجاد ثبات در افغانستان» تاکید کرده‌اند.
همچنین روسای این دوکشور عدم دخالت بیگانگان در مسایل کشور‌های منطقه را در ایجاد امنیت پایدار مهم دانسته و به ارتقای سطح همکاری‌های تجارتی، اقتصادی و افزایش تعاملات ایران و تاجیکستان در سازمان‌های بین المللی اشاره کرده‌اند.
پیش از این رهبران کشور‌های منطقه به شمول امامعلی رحمان، رییس جمهور تاجیکستان از حضور وفعالیت گروه‌های ترورستی در افغانستان ابراز نگرانی کرده‌اند.
