با نزدیک شدن زمان برگزاری پنجمین نشست وزیران خارجه کشورهای همسایه افغانستان، ترکمنستان خود را برای میزبانی این رویداد مهم آماده می‌کند.
وزارت خارجه ترکمنستان اعلام کرده است که عشق‌آباد در سال جاری میلادی میزبان این نشست خواهد بود. در این راستا، احمد قربانوف، معاون وزیر خارجه ترکمنستان، با یوشیا یونگ، نماینده ویژه چین در امور افغانستان دیدار و گفت‌وگو کرده‌اند.
در این نشست، دو طرف بر ادامه حمایت کامل از بهبود اوضاع اقتصادی افغانستان با پایبندی به اصول دوستی و همسایگی خوب تاکید کردند. قربانوف همچنین گفت که ترکمنستان نشست‌های بین‌المللی را عاملی مهم برای ثبات افغانستان می‌داند.
نشست قبلی وزیران خارجه کشورهای همسایه افغانستان در ۱۴۰۲ در شهر سمرقند ازبکستان برگزار شد.
در آن نشست، وزیران خارجه چین، ایران، پاکستان، روسیه، تاجیکستان، ترکمنستان و ازبکستان حضور داشتند و پیرامون راه‌های کمک به ثبات افغانستان گفت‌وگو کردند.
بیشتر از خبرگزاری کوکچه کشف کنید
Subscribe to get the latest posts sent to your email.
