رییس‌جمهور تاجیکستان: وضعیت در افغانستان بدتر خواهد شد

به گزارش خبرگزاری کوکچه به نقل از خبرگزاری خاور، امامعلی رحمان، رییس‌جمهور تاجیکستان در نشستی با فعالان حوزه‌ فرخار تاجیکستان گفت: «پیش‌بینی‌های ما نشان می‌دهد که وضعیت در افغانستان بدتر خواهد شد.»

رییس جمهور تاجیکستان ضمن ابراز نگرانی از وضعیت افغانستان افزوده است: «همه می‌دانند که در افغانستان چه می‌گذرد؛ تحلیل‌ها و پیش‌بینی‌های ما نشان می‌دهد که وضعیت در افغانستان بدتر خواهد شد.»

گفتنی است طی هفته‌های پسین روابط تاجیکستان و طالبان افغانستان پرتنش بوده و دو طرف نیروهای جنگی شان را در امتدادهای مرز مشترک به حالت آماده‌باش درآوردند.