د غزنې د لويې لارې قومندان وژل شوی- نښتې روانې دي

انجمن اجتماعی دادخواهان افغان241 نمایش هاآخرین بروزرسانی:سه شنبه ۱۰ دلو ۱۳۹۶ - ۳:۵۰ بعد از ظهر
د غزنې د لويې لارې قومندان وژل شوی- نښتې روانې دي

د غزنې د لويې لارې قومندان وژل شوی- نښتې روانې دي

(کابل ټکی کام، ۱۳۹۶، سلواغې ۱۹) د غزني ولايتي چارواکي وايي، چې د اندړ ولسوالۍ مربوط د جمال کلا په سيمه کې د طالبانو او دولتي ځواکونو تر منځ په نښتو کې دواړو غاړو ته مرګ ژوبله اوښتې ده.

د غزني د والي وياند محمد عارف نوري رسنيو ته ويلي، د طالبانو په بريدونو کې د دغې ولايت د لویې لارې قوماندان عزیزالله فدايي وژل شوی او څلور پوليس ټپيان دي.

نوموړی وايي، په جګړه کې طالبانو ته هم مرګ ژوبله اوښتې خو طالبانو خپل لور ته د مرګ ژوبلې اوښتو په اړه څه نه دي ويلي.

طالبانو د بريدونو مسئوليت منلی او وياند يې ذبيح الله مجاهد کابل ټکی کام ته په رالېږلې خبرپاڼه کې دعوه کړې چې په دغو بريدونو کې د قومندان عزيز احمد په ګډون نهه پوليس وژل شوي او يوولس نور ټپيان دي.

نوموړی وايي، په جګړه کې يې د دولتي ځواکونو دوه ټانګونه په مکمله توګه ويجاړ کړي او لا هم نښتې روانې دي.

له تېرو څو ورځو راهيسې دولتي چارواکي ادعا کوي چې په ياده ولسوالۍ کې يې د طالبانو پرضد عمليات پيل کړي، خو طالبان وايي دولتي عمليات يې له ناکامۍ سره مخ کړي او د تيرو څو ورځو په تيرېدو يې لسګونه عسکرو ته مرګ ژوبله اړولې ده.

منبع: کابل ټکی کام

Advert test
۱۳۹۶-۱۱-۱۰ ۱۳۹۶-۱۱-۱۰
انجمن اجتماعی دادخواهان افغان