رسانه‌های دولتی تاجیکستان از هدف قرار دادن سه تروریست در مرز افغانستان خبر دادند
خاور، رسانه‌ای دولتی تاجیکستان گزارش داده که کمیته امنیت ملی این کشور سه جنگجو را که منصوب به «جماعت انصارالله» بودند، در مرز با افغانستان کشته‌اند.
طبق گزارش این رسانه، این افراد روز گذشته ۵ سپتامبر از ولسوالی درواز افغانستان وارد تاجیکستان شده و قصد داشتند در آستانه‌ی روز استقلال این کشور، امنیت را اخلال کنند.
گفته می‌شود مقدار زیاد سلاح‌ها از قبیل مواد انفجاری، وسایل ارتباطی از نزد آنان کشف شده است.حکومت سرپرست افغانستان تا اکنون در این باره واکنش نشان نداده است.
«جماعت انصارالله» یکی از گروه‌های جنگجو است که مخالفت شدید با حکومت تاجیکستان دارد.
این در حالی است که کشورهای همسایه و شورای امنیت سازمان ملل از حضور گروه‌های تروریستی در افغانستان هشدار داد‌اند، اما امارت اسلامی حضور چنین گروه را رد کرده و تاکید می‌کند به هیچ کس اجازه نخواهند داد تا از خاک افغانستان علیه‌ی دیگر کشورها استفاده شود.
