نیروهای مرزی طالبان و تاجیکستان باز هم درگیر شدند

یک ساکن ولسوالی امام صاحب که خواست هویت‌اش فاش نشود، می‌گوید که این درگیری روز گذشته در نزدیکی بندر شیرخان رخ داده و برای چهار ساعت ادامه داشته است.

به گفته‌ منبع، این درگیری در پی تنش لفظی میان نیروهای مرزی تاجیکستان و طالبان رخ داده است. او افزود که اول طالبان شلیک کرده‌اند.

مسئولان محلی طالبان در قندوز این درگیری را تأیید نکرده‌اند. تاجیکستان هم تاکنون در این زمینه چیزی نگفته‌اند.

روابط تاجیکستان و طالبان در اوایل به‌ قدرت‌رسیدن این گروه پر تنش بود.

گفتنی است که نیروهای مرزی طالبان پیش از این هم با همسایه‌های افغانستان درگیر شده‌اند.