افغانستان
جمهوریت را بیش از هر دشمنی، صاحبانش رسوا کردند
رئیس مرکز اطلاعات و رسانه‌های طالبان می‌گوید نظام جمهوریت «ظاهرا از امارت شکست خورد»، اما به گفته او «جمهوریت را بیش از هر دشمنی، صاحبانش رسوا کردند».
انعام‌الله سمنگانی در توییتر نوشت: جمهوریت و تفنگ‌سالاری دو چیز متضاد است اما “غربی‌ها زمام جمهوریت را به تفنگسالاران سپردند.
این نخستین باری است که یک مقام طالبان تلویحا از نوع نظام جمهوری ستایش می‌کند. مقام‌های طالبان در یک سال گذشته همواره بر نظام امارتی بدون نیاز به قانون اساسی، انتخابات، شکل‌گیری پارلمان، تفکیک قوا و فعالیت احزاب سیاسی مستقل تاکید کرده‌اند.
آقای سمنگانی تاکید کرده است که «اگر نقش ویرانگر مدعیان دروغین جمهوریت نمی‌بود، شاید جمهوریت به این آسانی از بین نمی‌رفت.»
ان نخستین بار است که یک مقام طالبان اعتراف می‌کند که بیش از قدرت طالبان، ضعف نیروهای جمهوری در شکست دولت پیشین افغانستان نقش داشته است.
