نگرانی روسای جمهور ایران و تاجیکستان از وضعیت بد دهشت‌افگنی از سمت افغانستان

آن‌ها در این دیدار از حضور گروه‌های دهشت‌افگن در افغانستان اظهار نگرانی کردند و خواستار مقابله در این زمینه شدند.

روسای جمهور دو کشور ضرورت برگزاری نشست‌های مشترک وزیران خارجه برای مبارزه با دهشت‌افگنی و ایجاد امنیت در افغانستان را تاکید کردند.

آن‌ها همچنین بیان داشتند عدم دخالت بیگانگان در منطقه می‌تواند برای ثبات منطقه موثر باشد.

رییس جمهور تاجیکستان پیشتر نیز چندین بار از حضور گروه‌های دهشت افگن در افغانستان ابراز نگرانی کرده بود.

روسای جمهور ایران و تاجیکستان همچنین خواستار توسعه روابط تجاری، اقتصادی و همکاری‌های بین‌المللی میان دو کشور شدند.

این در حالی است که طالبان هرگونه حضور گروه‌های دهشت‌افگن در خاک افغانستان را رد کرده و می‌گویند که امنیت سرتاسری ایجاد کرده‌اند و هرگونه تهدید از خاک افغانستان علیه دیگر کشورها دروغ است.