به گزارش خبرگزاری کوکچه، وی بیان کرد که به کار‌های داخلی افغانستان دخالت نمی‌کند؛ اما همه قشر‌ها باید در حکومت سهیم باشند.
رییس جمهوری تاجیکستان تاکید کرد که راه حل بحران در افغانستان ایجاد یک دولت فراگیر با حضور همه اقوام از طریق انتخابات است.
امام‌علی رحمان می‌گوید، تاجیکان افغانستان که ۴۶درصد جمعیت آن کشور را تشکیل می‌دهند حق دارند تا از جایگاه شایسته برخوردار باشند.
رییس جمهوری تاجیکستان پیش از این نیز خواستار تشکیل حکومت فراگیر در افغانستان با حضور تاجیک‌ها شده و تاکید کرده‌بود که حکومت تک‌قومی طالبان هرگز مورد تایید دولت دوشنبه قرار نخواهد گرفت.
او مقام‌های پاکستانی که بر طالبان نفوذ دارند، در مورد شرکات تاجیک‌ها در حکومت رایزنی کرده بود.
عمران خان؛ نخست‌وزیر پاکستان به تازگی گفته‌است که پس از مذاکرات با کشورهای عضو سازمان شانگهای و همسایگان افغانستان به ویژه تاجیکستان او رسما مذاکره با طالبان در مورد حکومت فراگیر در افغانستان که اقوام تاجیک، هزاره و ازبک را هم شامل شود، آغاز کرده‌است.
طالبان اخیرا کابینه‌ای را تشکیل داده‌اند که اعضای آن رهبران آن گروه یا متحدان‌شان هستند. ترکیب این کابینه واکنش‌های منفی گسترده‌ای را در پی داشته‌است.
